اكضي الليل بعدك

أگضي الليل أدك باسمك على العود
وأفز من الصبح واعزف علــى الناي
وأجيك من الفجر من قبــل الاذان
وأصيح الله اكـبر لو گلت جاي
وأدگ بابك وأظل اذرف بالــدموع
وأشلعهن الك لو ردت رمـشاي
واذا فرحان اشوفك مدري شيـصير
تظل بوساتي تتطشر على إعــداي
وإذا منك دمع طاحن على الــگـاع
أظن تنزل سمة وتحزن علــى إبجاي
وإذا يمنتك يوم إنجوت بــالنـار
قسم باللي خلق ماريد يــمناي
وإذا يسرتك صدفه جاســت برود
هدية تروح إلك يا خلي يســـراي
عساني بلا إدين إمگــــــطع الرجلين
إذا لغيرك يصير بيوم ممــــشاي