حرمات التعب

حرامات التعب للمايجازيك

وحرمات الوفه للطبعه خوان

جرحك بالملح تكدر تداويه

ويزيدك عطش لو جنت عطشان

شما تتعب على العكرب تربيه

يلدغك لو جنت لحظه غفلان

تترجه الوفه أي وين تلكيه ؟

وتتأمل تمر من جذع ذبلان؟
****************************
معقوله چذب كل ذيچ اﻻشواك ؟؟

وكل ذاك الحنين بداخلك مات ؟؟

معقوله چنت تتسله بالروح ؟؟

وچذب ذاك الغزل واحلى العبارات ؟؟

وحب كل هالسنين وياي تمثيل ؟

ودور العاشك الهز السماوات

ومزيف چان من اﻷلف للياء ؟؟

غرامك والمشاعر والروايات ؟؟

روح براحتك روح الله وياك .

بس تتهنه بعد اليوم ...هيهات