طالب وعايف دروسي

طالب وعايف دروسي
واقرا اشعار وجرايد
وعاشگ بنيه بقسمنه
والگلب بس الها رايد
هي حلوة .. هواية حلوة
واني عمي شلون واحد
بالفرن ناسيني اهلي
وحتى لون عيوني جارد
حاولت الفت نظرها
بكل وسيلة وماكو فايد
غيرت لبسي ومشيتي
وفكري بالمودات شارد
وجللت شعري وصبغته
ولبست حتى گلايد
گعدتني ع الحديدة
لا بعت حتى الحدايد
لا تگلي ولا اگلك
بهذلتني الله شاهد
وهي تدري بس خبيثة
مثولة والدلال بارد
وانه نار بنص دليلي
خاف اصارحها وتعاند
مرة اگول احجي معاها
ومرة اگولن خلني راچد
وين چانتلي يربي
چنت متونس وگاعد
وقررت لازم ابوح
بحبي الها وما احايد
بوري ما بوري اسولف
قابل مصارح مجاهد
جيت وتقربت يمها
جسمي يرجف حيلي بايد
والضغط يمي تخربط
مرة نازل مرة صاعد
گمت اتمتم گمت اعتعت
گمت احس بلساني جامد
چني سيارة عتيگه
وانكسر من عدها گايد
ردت افلت ما عاد ينفع
گالت اتفضل شرايد
گلت عفواً من رخصتچ
بلكي عندچ قلم زايد

» شعر طالب يريد يصارح بنيه
» حرم الإمام علي بن أبي طالب (عليه السلام) ليلاً
» طالب عراقي يحصل على شهادة أفضل بحث علمي في روسيا ......؟
» صور المكان الذي تم فيه بيعة امير المؤمنين علي ابن ابي طالب في بيعة الغدير