لو تطلع شمس

لو تطلع شمس تسمر وجوه الناس
بس انتي الوحيده الخدج أتحمر
بعيونج سحر ما شالته إحديثات
وسيوف الحواجب تذبح و تنحر
بشفافج عنب معصور وبكاسين
يمت كاسي يطكَه الطاسج و نسكر
ونخلي الحلم كَبل الرموش ينام
ونودع الشمس ياريت تتأخر
ونرسم عالنجم بيت وتحوطه ورود
ومن ذاك الورد يا حلوه نتعطر
قطعه من الكَمر يا شمة القداح
خذت منج سنابل لونها الاخضر
خليني على ثوبج حتى لو (دمبوس)
و يا بخت اليمسه النهدج الاشكَر
والله لساني يطلع الحيه من زاغور
أشوفج ليش أحس لساني يتعثر
و حقهه الزلم من توكَع من تمس الأيد
لأن حتى البنات تمسج وتخدر
لأن حتى البنات تمسج وتخدر