أخذ دموع مني شكثر عندي دموع
عيوني اللي بجنلك كوم بجيهن
الشموع أتذب دمع من تضوي درب الناس
ولوما دموعهن ثق ما نلفيهن
الك دمعات طاحت بس دمع بطران
أخذ اعدالهن بس لا تمن بيهن
دمعات الندى شكد تنطي للفلاح
ما كالن بجينه وفرشن أعبيهن
بعيونك شفتهن كطرتين حساب
وأذا الهن معزه شلون تنطيهن
تعز دمعك علي وتريدني اتفداك
وآنه عيوني لجلك لازم أعميهن
لأن عيون عندك للغوى وللشوف
وتظن عيوني للدمعات جانيهن
أخذ كلشي التريده وتبجي ما مرخوص
ودموعك ابد لتجيب طاريهن
انا همومي أعلى تله بصيف ماينراد
بالدمعه العزيزه تريد تسكيهن
اصبك بالدمع من راسك لرجليك
حد طكت الزرع يزهي اعلى جاريهن
أنحتلك نحت تمثالك من دموع
وأرسم ضحكتك بدموعي البجيهن
وأذا تسألني أكلك موبعيني دموع
دمعات الفرح جي صورتك بيهن
الخميس يونيو 28, 2012 11:15 pm