مكتبــــــة الومضـــــات
يالجمالك بالمدارس درسوه
والصفوف انترست بحبك ترس
ورسبوا الطلاب كلهم بالأخير
خلصوها استاد عيدلنه الدرس
==============
لاتطالبني بأمر بي معجزات
لأن ماعندي گلب يتعذرك
تريد مني اذكرك شي مستحيل
غير كون انساك حته اذكرك
==============
من چفك أغار لچفك ايلوح
أگص ايدك إذا لاحتها إيدك
أكتب ما أريدك تنشف الما
ينشگ دفتري وتبقه أريدك
==============
بگلبي اتسابقوا لعبوا الحلوين
خسرت كلها بالدور البدائي
وانته بلا لعب صاعد على الكاس
بحلاتك ربك مصعدك نهائي
==============
آني ماشايف مثل وجهك جميل
وهيچي مثل عيونك آني ماشفت
من گلتلي اهواك مدري شبية صار
هيچي واگف وحدي وبوحدي طحت
==============
أگص الساني خاطر بعد ماحاچيك
خاطر ينتهي البينك وبيني
لگيت النوب عيني اسولف اوياك
گلي أشلون اگص السان عيني
الخميس يونيو 28, 2012 10:49 pm