شعر تلاكينه وكف كلشي بحركة الكون

[size=30]تلاكينه
[/size]تلاكينة و وكف كلشي بحركة الكون
بس خطواتك وخطواتي احس بيهن
ودك السر الأحدب وسط روحي أجراس
وفتلت اوراق الجنت طاويهن
الشارع شالنة حد ماوصلنة الغيم
وأنتحرن جروحي وچلبت بيهن
ها نتلاكة هسة وها الراح ايهون
زعلانات مني وبيك اراضيهن
وانا لمابينك ومابينهن محتار
تلچمهن وكلهن بيك اداويهن
كلما تقترب جرح السنين ايطيب
يلتم والثواني خيوط اسويهن
اهي لحظات بس لمت هواي جروح
ماطابن بروحي وكل سنة اچويهن
اسولف وية روحي ها بعد خطوات
ماكلك شلون ومنو اليبديهن
منك خطوة مني خطوه ؟

المهم خطوة أتصير
متهمني المسافة المهم نمشيهن
ولو محتار بس شائت الصدفة أتصير
اشوفك والسنين الضايعة الكيهن
بس احتار من لاحن بعيني دموع
ينتظرن شسوي احبسهن؟ ابچيهن ؟
و اردمجبور اموتهن بعين الشوك
على كد مااعبرك وارجع ارثيهن
انا احلم بالاحلام الضالات انقاظ
الم الضال منهن واحلم ابنيهن
بيت وباب وحچايات حلوة وياك
ونيران الشماتة شموع اسويهن
لاتلتفت كتلك لاوكتنة ايضيع
ميل ايعد ثواني وخطوة تمحيهن
انة تيهت روحي كلت وين تروح
حلم غمضت بي عيني و وكفت وياك
بي يمك حچيت المستحي احچيهن
بجيت وبستك وطفيت بيك الغيض
واشتعلن ضلوعي وكتلك اطفيهن
بس فزيت وعيونك تضيع هناك
من كلش وصلنة وركزت بيهن
من مديت چف المحنة جنت اتريد
اشوف اطراف اصابع ردت احنيهن
من خليتك وزعلت جدامي وياي
من كالن انريدة وردت اخليهن
انتها كلشي وبيدي سديت باب الشوك
وترسن عيوني ويردن اچفيهن
وما لوليت من رادت اسراري تنام
[size=30]دك نايك بروحي كمت اغنيهن[/size]

يم روحك سوية وهسة نلكيهن